Мәжіліс ең төменгі әлеуметтік стандарттар мен кепілдіктер туралы заң жобасы қарастырады

10 Сәуір, 2015 15:06

Палата Спикері Қабиболла Жақыповтың төрағалығымен Мәжіліс Бюросы өтіп, жалпы отырыстың күн тәртібі нақтыланды, деп хабарлады Мәжілістің баспасөз қызметі.

«Жоба бойынша мәжілісмендер назарына бірқатар заң жобаларын екінші оқылымда қарау ұсынылған. Онда ілеспелі түзетулермен, «Ең төменгі әлеуметтік стандарттар мен кепілдіктер туралы» және «Бітімгершілік қызмет туралы» заң жобасы бар», - делінген хабарламада.

Сондай-ақ, осы күні халық қалаулылары сумен жабдықтау және су бұру мәселелері бойынша түзетулерге қатысты заң жобасын қарайды.

Мәжілісмендер Болгария және Румыниямен адамдарды ұстап беру туралы шарттарды, сондай-ақ, Румыниямен сотталған адамдарды беру туралы шартты ратификациялауға қатысты заң жобалары бойынша қорытынды әзірлеу мерзімін тағайындамақ. Осы бағытта тағы да екі құжат, яғни «Төрелік туралы» және «Қазақстан Республикасындағы сот-сараптама қызметі туралы» заң жобалары ілеспелі түзетулермен ұсынылуда.

Барлық жаңалықтар