Халықаралық ұйымдар мен шет мемлекеттерден тағы 50 байқаушы аккредиттелді - ҚР ОСК

10 Сәуір, 2015 10:55

Ортсайлауком Қазақстан Республикасы Сыртқы істер министрлігінің ұсынуы бойынша үш халықаралық ұйым мен төрт шет мемлекеттен 50 байқаушыны аккредиттеді.

«Олардың 37-сі – ТМД-дан байқаушылар Миссиясынан, 2-еуі – ШЫҰ-нан байқаушылар Миссиясынан, 4-еуі - Түркітілдес мемлекеттер ынтымақтастығы кеңесінен, сондай-ақ екі байқаушыдан – Латвия Республикасынан, Румыния мен Украинадан, сондай-ақ бір байқаушы – Эстония Республикасынан», - делінген хабарламада.

Осылайша, 2015 жылғы 10 сәуірдегі жағдай бойынша Ортсайлауком халықаралық ұйымдардың үш Миссиясынан екі халықаралық ұйым (Түркітілдес мемлекеттер ынтымақтастығы кеңесі мен Түркітілдес мемлекеттердің Парламенттік Ассамблеясы) мен 32 шет мемлекеттен 452 байқаушыны аккредиттеді. Сонымен қатар Қазақстан Республикасы Сыртқы істер министрлігі 31 мемлекеттен бұқаралық ақпарат құралдарының 134 өкілін аккредиттеді.

Қазіргі жағдай бойынша барлығы 586 байқаушы аккредиттелді.Шет мемлекеттер мен халықаралық ұйымдардың байқаушыларын аккредиттеуді Ортсайлауком 2015 жылғы 20 сәуірге дейін жүргізеді.

Барлық жаңалықтар