Ақтөбеде Жеңістің 70-жылдығына арналған акция аясында ардагерлерге ақшалай сыйлық табысталды

Ағымдағы жылдың наурыз айының 2-сі күні акция өз бастауын алып, 70 түрлі іс-шара 2 наурыз – 9 мамыр аралығында жүргізіліп келеді. Акция барысында мерекелік және қайырымдылық іс-шаралармен қатар Ақтөбе қаласы бойынша тізімге алынған 132 соғыс ардагерлерін мерекелік шараларға қатыстырып, құттықтау, Қалалық білім бөлімі тарапынан ақшалай сыйақы тапсыру ұйымдастырылып, осы бағыттағы жұмыс ардагерлерді үйлерінде құттықтау шарасымен жалғасын тапқан болатын.

Бүгінде қаламыздың тұрғыны Ұлы Отан соғысындағы Жеңістің ардагері Уразғалиева Ажар апайды құттықтауға Қалалық білім бөлімінің басшысы Л.Уразбаева Қарғалы қазақ орта мектебінің ұжымымен құттықтауға барды.

Уразғалиева Ажар 1924 жылы Атырау облысында дүниеге келген. 1942 жылы майданға өз еркімен аттанған. 1942 жылы 416 дивизия құрамында Курск майданында соғысқа кірген. Арт полкінде зеңбірекші болған Ажар апай Киевті азат етуге, 1944 жылы 430 дивизия құрамында Румынияны азат ету шайқасына, 1945 жылы Берлинді алу шайқасына қатысып, жеңісті сонда қарсы алған.

Марапаттары: «За освобождение Киева», «За освобождение Белорусий», «За освобождение Курска», «Победа над Германией». Соғыстан кейінгі жылдары кеңес үкіметінің медальдарымен наградталған.

Соғыстан кейін Атырау қаласындағы техникумның кафедра меңгерушісі, бала бақша меңгерушісі болып қызмет жасаған. 1972 жылы мұнай саласына ауысқан. Мұнай саласында жабдықтау бөлімін басқарған.Уразғалиева Ажар10 баланың анасы.