Қазақстан мен Сауд Арабиясы қарым-қатынастың даму болашағын талқылады
10 Сәуір, 2015 10:38
Қазақстан Республикасының Сауд Арабиясы Королдігіндегі Елшісі Б. Батыршаев Сауд Арабиясы Королдігі Тақ Мұрагерінің мұрагері, Премьер-министрдің екінші орынбасары және Ішкі істер министрі ханзада Мұхаммед бен Наиф бен Әбділәзиз Әл Саудпен кездесті.
ҚР СІМ хабарлағандай, кездесу барысында Қазақстан және Сауд Арабиясы арасындағы қарым-қатынастардың даму барысы мен көкжиектері талқыланды.
Ханзада Мұхаммед бен Наиф Сауд Арабиясы Корольдігі басшылығы біздің елмен жан-жақты ынтымақтастықты дамытуға бағытталған бастамалар мен қадамдарға толық қолдау білдіретіндігін жеткізді.
Қазақстан мен Сауд Арабиясының саяси және экономикалық әлеуетін назарға ала отырып, екіжақты саяси, экономикалық және гуманитарлық байланыстарды одан әрі тереңдету маңыздылығы атап өтілді.
