Қазақстан халықаралық «WorldSkills» чемпионатында үздік елуліктің қатарына кіруді мақсат етіп отыр (ФОТО)

«WorldSkills Kazakhstan» республикалық конкурсының жеңімпаздарынан құрылатын команда Қазақстанның намысын Бразиялияда қорғайтын болады. Қазақстанның спорттағы жетістіктері орасан. Бізге енді білім саласы бойынша да, нақтырақ айтқанда кәсіптік-техникалық білім беруде де өзімізді көрсететін уақыт жетті деп ойламын. Бұл чемпионатта әлемнің 70 мемлекетінің өкілдері қатысады»,-деді А.Сәрінжіпов.

Оның пікірінше, еліміздің атынан өнер көрсететін команда 50 үздіктің қатарына кіреді, ал алдағы уақытта ең мықты 30 ел қатарынан көрінуі тиіс.    

«WorldSkills» чемпионаты қазір әлемде болып жатқан бәсекелестіктің нышаны іспеттес. Біздің кәсіпорындарымыздың бәсекеге қабілеттілігі мен Қазақстанның өнеркәсібі елімізде алған білімімізге байланысты болады»,-деді министр.

Естеріңізге сала кетейік, Астанада 18-22 жас аралығындағы жастар арасында «WorldSkills» чемпионатының ұлттық кезеңі өтті. Олар метал жонушы, темір ұстасы, кірпіш қалаушы, сантехника мен жылу қызметі, сылақ сылау мен гипсакартон жүйесі, шаштараз, аспаз және мейрамхана ісінің маманы, ақпараттық жүйелер маманы сияқты түрлі мамандықтар бойынша тартысты.  

2014 жылдың наурыз айында Қазақстан «WorldSkills International» (WSI) ұйымына мүшеліке ену жөнінде өтініш берді.  «WSI» - жұмысшы мамандықтарды насихаттайтын халықаралық қозғалыс. Ол өнеркәсіптегі және қызмет көрсету маласындағы жұмысшы мамандықтардың әлемдік кәсіби стандарттарын қалыптастыру мен дайындауды сараптамалық бағалаумен қамтамасыз етеді.  

Фото Азамат Алиев