ДСӘДМ: 2015 жылы 82 ардагер баспанамен қамтылды

9 Сәуір, 2015 16:59

2015 жылы Қазақстанда 82 ардагер баспанамен қамтылды, деді Орталық коммуникациялар қызметiнде өткен брифингте ҚР Денсаулық сақтау және әлеуметтiк даму вице-министрi Светлана Жақыпова.

«Бiз жергiлiктi органдармен бiрлесе отырып, биыл қаңтар-сәуiр айлары аралығында Ұлы Отан соғысы ардагерлерiне 82 пәтер бердiк. «Нұр Отан» партиясының жақында өткен жиындарының бiрiнде Қазақстанда пәтер кезегiнде 104 ардагер тұр деген ақпарат айтылды және жергiлiктi билiк басшылары мен әкiмдiктер осы ардагерлерге пәтер беруге уәде еткен болатын. Сол 104 ардагердiң 82-сi баспаналы болды деуге болады. Менiң ойымша, 9 мамырға дейiн әкiмдер қалған ардагерлердi баспанамен қамтамасыз етедi»,-деді С.Жақыпова.

Айта кетерлігі, 2014 жылы «Нұр Отан» партиясының қоғамдық қабылдауына 505 ардагер жүгінген. Оның ішінде көптеген өтініштер әлеуметтік және медициналық мәселеге қатысты болды. Қазақстандық ардагерлер дәрілік препараттарға, медициналық-әлеуметтік қызмет көрсетуге, диагностикалық зерттеуге, санитарлық-курорттық және стационарлық емделуге, волонтерлардың көмегіне, есту аппараттарына, протездерге мұқтаж.

Индира Кауметова

Барлық жаңалықтар