• Басты
  • Қазақстанның бірқатар қалалары мен шет мемлекеттерде Екінші дүниежүзілік соғыс тарихына қатысты мұрағат құжаттарының көрмесі өтеді
9 Сәуір, 2015 16:51

Қазақстанның бірқатар қалалары мен шет мемлекеттерде Екінші дүниежүзілік соғыс тарихына қатысты мұрағат құжаттарының көрмесі өтеді

Астана, Алматы және Вашингтонда Екінші дүниежүзілік соғыс тарихы жөніндегі мұрағат құжаттарының көрмелері өтеді, деді Мәдениет және спорт вице-министрі Ғалым Ахмедьяров ОКҚ-де өткен баспасөз мәслихатында.
Қазақстанның бірқатар қалалары мен шет мемлекеттерде Екінші дүниежүзілік соғыс тарихына қатысты мұрағат  құжаттарының көрмесі өтеді

«2015 жылдың мамыр айында АҚШ-тың Бас консулдығымен бірге Алматы, Астана және Вашингтон қалаларында Екінші дүниежүзілік соғыстың тарихы жөніндегі АҚШ-тың Ұлттық мұрағаты мен Қазақстанның кинофотоқұжаттар мен дыбыс жазбалары орталық мемлекеттік мұрағаты ұсынған  құжаттардың  көрмесі ұйымдастырылады»,-деді Г.Ахмедьяров.

Оның сөзінше, Қазақстанның Ресейдегі елшілігінің ұсынысы негізінде ҚР кинофотоқұжаттар мен дыбыс жазбалары орталық мемлекеттік мұрағаты Мәскеу метрополитенінде «Жеңіс – жалғыз және жалпыға бірдей» деген тақырыптармен әрленген жолаушылар вагондарын жүргізе бастады.

«Құжаттардың көшірмелері еліміздің фашизмді жеңуге қосқан үлесі мен қазақстандық дивизиялар мен қазақстандық батырлар туралы және Қазақстанға көшірілген мекемелер мен кәсіпорындар туралы мол мағлұматтар береді»,-деді вице—министр.

 

 

Барлық жаңалықтар