• Главная
  • Ұлы Жеңістің 70 жылдығына арналған шеруге 70 ұшқыш аппарат қатысады
9 апреля, 2015 16:31

Ұлы Жеңістің 70 жылдығына арналған шеруге 70 ұшқыш аппарат қатысады

Елордада 7-мамыр күні Ұлы Жеңістің 70 жылдығына орай өтетін шеруге 70 ұшқыш аппарат қатыстырылатын болады, деп хабарлады ҚР Қарулы Күштері Бас штабы бастығының орынбасары, генерал-майор Мүсілім Алтынбаев ҚР Президенті жанындағы Орталық коммуникациялар қызметінде өткен баспасөз-мәслихатында.
Ұлы Жеңістің 70 жылдығына арналған шеруге 70 ұшқыш аппарат қатысады

«Әскери шеруге 70 ұшқыш аппарат қатыстырылады, бұл майдан ұшақтары, жалпы бағыттағы истребительдер, шабуылдаушы ұшақтар, әскери-көлік авиациясының ұшақтары, әскер авиациясының  тікұшақтары. Шеруде Ресей Федерациясынан әкелінген 4 жаңа ұшақ та болады»,-деді ол.

Генерал-майор сонымен қатар, әскери шеруде оркестрдің міндетті түрде болатындығын айтты.

«Шеру ұзаққа созылады, ұзындығынан алып қарағанда оның мөлшері 6 километр болады. Яғни оркестр іс жүзінде осы уақытта бар барлық әскери марштарды ойнап шыға алады»,-деді А.Алтынбаев.

Индира Кауметова