• Басты
  • Қазақстандық ҰОС ардагерлеріне арналған қайырымдылық концерттер өтеді

Қазақстандық ҰОС ардагерлеріне арналған қайырымдылық концерттер өтеді

9 Сәуір, 2015 16:01
16 сәуір күні «Астана Опера» театрында Дариға Назарбаеваның ардагерлерге арналған қайырымдылық концерті өтеді, деді мәдениет және спорт вице-министрі Ғалым Ахмедияров ОКҚ брифингінде.

«16 сәуір күні «Астана Опера»  мемлекеттік опера және балет театрында Дариға Назарбаеваның ҰОС ардагерлеріне арналған қайырымдылық концерті өтеді. Бұл қайырымдылық жоба «Дегдар» гуманитарлық қорының «Ғасырларды тоғыстыратын тағдыр» аталымымен республика бойынша өтеді. Концертке «Астана Опера» театрының театр хоры мен оркестрі, Абай атындағы опера және балет мемлекеттік академиялық театрының солистері, мемлекеттік Жамбыл филормониясының әртістері қатысады», - деді Ғалым Ахмедияров.

Ұлы Жеңіс қарсаңында 8-10 мамырда Алматыдағы Абай атындағы МАОБТ мен Астанадағы Бейбітшілік пен келісім сарайында ардагерлерге арналған «Астана опера» мемлекеттік опера және балет театрының солисті Мария Мудряктің жеке концерті өтеді.

Сондай-ақ, барлық республикалық театрлар мен  концерттік ұйымдар соғыс жылдары кезінде біздің майдангерлердің ерлігі туралы спектакльдерді өз репертуарларына қосты. 

Барлық жаңалықтар