• Басты
  • ҚР Қарулы күштерінде озық авияциялық нысанашылардың курстық даярлығы аяқталуда (Фото)

ҚР Қарулы күштерінде озық авияциялық нысанашылардың курстық даярлығы аяқталуда (Фото)

9 Сәуір, 2015 20:27
2015 жылдың 9 наурызы мен 12 сәуірі аралығында 21751 әскери бөлім базасында Қазақстан Республикасы Қарулы Күштерінің әуе тыныштығын бақылаушыларды оқыту бойынша озық авиациялық нысанашылар арасында курстық даярлық өтті, деп хабарлады Қорғаныс министрлігі.

Аталған курстар байланыс құралдарымен жұмыстың сапасын арттыру, жұмыс картасында координаттарды анықтау және жерлерді бағдарлау, сондай-ақ авиациялық бөлімшелерді басқаруда дұрыс шешім қабылдауды жетілдіру мақсатында жыл сайын өткізіледі.

Бұл ерекшеліктер әуеде және жер үстіндегі операцияларды өткізу кезінде өзара іс-қимылды жетілдіру үшін қажет. Тапсырған сынақтардың нәтижелері бойынша әскери қызметшілерге өз бетінше іс жүзінде нысананы дәлдеуге рұқсат етіледі. Курстық даярлықтың қорытындысы бойынша жауынгерлер «Озық авиациялық нысанашы» мамандығы бойынша курстық даярлықты толық бітіргені туралы куәлік алады.

Курстық даярлықты ұйымдастыру және өткізуге ҚР ҚА ӘҚК бас қолбасшылығы басқармасының бас штабы, ӘҚК бас командалық пунктінің әскери басқарма және авиацияның өзара іс-қимыл орталығының нұсқаушы-оқытушылар құрамы тартылды. Курстық даярлықтан өтуге тыңдаушылар ретінде Ұлттық ұланның, Құрлық әскерлері мен Парашюттік даярлық орталығының әскери қызметшілері шақырылды.

Озық авиациялық нысанашыларды курстық даярлау 2015 жылғы оқу жылына арналған Қазақстан Республикасы Қарулы Күштерінің құрамалары мен бөлімдері, басқарма органдарының даярлық жоспарына және ҚР ҚК ӘҚК бас қолбасшысының бұйрықтарына сәйкес өткізілетінін айта кеткен жөн.

 

 

Барлық жаңалықтар