Алматыда 5 мың ағаш отырғызу жоспарланған
10 Сәуір, 2015 09:51
2015 жылдың 11 сәуірінде Алматыда жалпықалалық сенбілік өтеді, деп хабарлады қала әкімдігі.
Сенбілік кезінде мегаполис аумағына 5000-ден астам ағаш отырғызылады деп жоспарлануда. Сенбілікке Алматы қаласының әкімі Ахметжан Есімов, танымал қазақстандықтар - шығармашылық зиялы қауым өкілдері, қоғам қайраткерлері, спортшылар және басқалары қатысады.
Сенбілік күні көшелер, аулалар, саябақтар мен скверлер, өзен жағалаулары мен арықтар тазартылады. Жиналған қоқыстарды сыртқа шығарумен 800 арнайы техника бірлігі айналысады. Қаланың эстетикалық келбетіне де мән беріліп, ағаш түптері әктеледі, турниктер, орындықтар және басқалары сырланады.
