• Басты
  • Ақтөбеде ҰОС ардагерінің үйіне 2 млн сомаға жөндеу жұмыстары жүргізілді
9 Сәуір, 2015 17:12

Ақтөбеде ҰОС ардагерінің үйіне 2 млн сомаға жөндеу жұмыстары жүргізілді

Ақтөбе қаласы әкімінің орынбасары Айгүл Арынғазиева Ұлы Отан соғысының ардагері Әбілханова Зоря Габдулқызының үйіне барды, деп хабарлады облыстың ішкі саясат басқармасы.
Ақтөбеде ҰОС ардагерінің үйіне 2 млн сомаға жөндеу жұмыстары жүргізілді

1941-1945 жылдардағы Ұлы Отан соғысындағы Жеңістің 70-жылдығын мерекелеу қарсаңында қаламызда «Ардағым ардагерім» атты акция аясында тұрғын үйі жөндеуді қажет ететін 76 Ұлы Отан соғысының ардагері мен мүгедектерінің үйіне жөндеу жұмыстары жүргізіліп жатқаны белгілі. Қайырымдылық акция барысында жөндеу жұмыстарын жүргізуге демеушілік қаржы есебінен 27 млн. 825 мың теңге жұмсалады.

Хабарланғандай, ағымдағы жылдың 8 сәуірінде 26 ардагердің үйіне жөндеу жұмыстарын жүргізу аяқталып, 24 ардагердің үйіне жөндеу жұмыстары аяқталуға жақын, ал 26 ардагердің үйінде жөндеу жұмыстары жүргізіліп жатыр. Сонымен қатар тұрғын үйі жөндеуді қажет етпейтін 51 ардагерге демеушілер қаражаты есебінен 100 мың теңге көлемінде біржолғы материалдық көмек көрсетіледі. Біржолғы материалдық көмектің жалпы сомасы 5 млн. 100 мың теңге құрайды.

А.Арынғазиева «Ардағым ардагерім» акциясына қала кәсіпкерлерінің белсенді қатысқандығын атап өтті.

Осы акция аясында «Казақ Ойл Ақтөбе» ЖШС Ұлы Отан соғысының ардагері Әбілханова Зоря Габдулқызының пәтеріне толық жөндеу жұмыстарын жүргізді.

Осы мақсатқа «Казақ Ойл Ақтөбе» ЖШС 2 млн. теңге қаражат бөліп отыр.
Зоря Габдулқызы әскер қатарына шақырылмас бұрын телеграфшы болып жұмыс жасады.

1943 жылдан бастап Ұлы отан соғысы аяқталғанша екінші Белоруссия майданында маршал Рокоссовский басқарған 110 жеке байланыс батальон құрамында болды. Ерен еңбегі еленіп, 18 медалімен, оның ішінде «Германияны жеңгені үшін», «Кенигсберг қаласын алғаны үшін», «Әскери қызметі үшін» медалдарымен марапатталды.

Барлық жаңалықтар