Қазақстанда «Батыс Еуропа-Батыс Қытай» көлік дәлізінің 707 шақырымы төселді
9 Қазан, 2013 09:13
2013 жылдың 9 айының қорытындысы бойынша, «Батыс Еуропа-Батыс Қытай» көлік дәлізінің бір бағыттағы 707 шақырым төселді, деп мәлімдеді ҚР Көлік және коммуникация министрлігі автожол Комитетінің төрағасының орынбасары Сатжан Аблалиев Strategy2050.kz порталына берген сұхбатында.
«Бүгінде «Батыс Еуропа-Батыс Қытай» көлік дәлізінің бір бағыттағы 707 км-і төселді. Жыл соңына дейін бұл көрсеткішті 806 км-ге дейін жеткізу жоспарланып отыр», - деді С.Аблалиев.
Қазіргі уақытта Жамбыл, Оңтүстік Қазақстан және Қызылорда облысы аймақтарында жұмыстар жүргізілуде.
Сонымен қатар, Алматы облысында да құрылыстар басталды,ал «Ақтөбе-Мыртық» аумағы және Ақтөбе қаласының солтүстік айналма жолы ағымдағы жылдың соңына дейін қолданысқа берілмек.
Айта кету керек, «Батыс Еуропа-Батыс Қытай» көлік дәлізінің құрылысы жобасының басталған сәтінен бастап жол құрылысы 1 622 км-ге жеткен.
