Астанада өтетін Жеңіс шеруіне Маңғыстау облысынан 12 ҰОС ардагері қатысады
9 Сәуір, 2015 11:57
Астанада өтетін Жеңіс шеруіне Маңғыстау облысынан 12 ҰОС ардагері қатысады, деп хабарланды облыс әкімдігінен.
«Астанада өтетін мерекелік шараларға алдында 15, ал Мәскеуде өтетін шараларға 2 ҰОС ардагерін жіберу жоспарланған болатын. Ол үшін арнайы топтар құрылып, ардагерлерді әлеуметтік сала қызметкерлері мен Ардагерлер кеңесінің төрағасы алып баратын болған. Алайда, Ресей тарапы Қызыл алдаңда шерумен байланысты өтетін мерекелік шараларға өзге елдерден қатысатын азаматтар санын қысқартып тастады»,-делінген хабарламада.
Әкімдік таратқан мәліметтер бойынша, Қорғаныс министрлігімен 17 адам жіберілетін болып келісілген, бірақ ардагерлердің денсаулық жағдайларына байланысты елордадағы шараларға тек 12 адам қатысатын болып отыр. Мерекелік шаралар 7-мамыр күні Астанада өтеді, ал 9-мамыр күні алаңда мәдени бағдарламалар ұйымдастырылады.
