Көкшетауда «Жастар арасындағы этникаралық келісім» тақырыбында әлеуметтік сауалнама жүргізілді
«Ақмола медиа орталығы» хабарлағандай, сауалнамаға 14-29 аралығындағы 100 адам қатысты, қазақстандық ұлтаралық келісім бейбітшілік моделі елдің ұстанымына бекер айналмады. Бұл модель мемлекеттік саясаттың тәуелсіздік жылдары қалыптастырған жетістігі.
Сауалнама қорытындысы көрсеткендей, жастардың 97 пайызы мемлекеттік саясатты қолдап отыр, ал 82 пайызы өзге ұлттың мәдениетін біліп қана қоймай, оларға белсенді түрде қатысады.
Сондай-ақ, жастардың 88 пайызы олардың достары әр ұлт өкілдерінен құралатынын айтты. 90 пайыз жастар елде этномәдени және тілдер арасында кедергі жоқтығына қанағаттанады.
«Сіз өз аймағыңыздағы этникаралық қарым-қатынасты қалай сипаттайсыз?» деген сұраққа респонденттердің 97 пайызы барлық этнос өкілдері бейбітшілікте күн кешіп отырғандығын айтты.
Жастардың 98 пайызы этникаралық дау-дамайға куә болмағандығы қуандырады. Респонденттердің 99 пайызы ұлттық ерекшелік бойынша кемсітуге ұшырамаған.
Сондай-ақ, жастар арасында қосағын таңдау бойынша қызықты сауалнама жүргізілді. Жастардың 62 пайызы өз ұлтын таңдаса, 31 пайызы ұлтқа бөлмей, сезімге жүгінеді. 7 пайызы ешқашан бұл сұраққа назар аудармапты.
