Сенатта Қазақстан мен Швейцарияның парламентаралық қарым-қатынасы талқыланды (Фото)

Кездесу барысында екіжақты өзара іс-қимыл мәселелері талқыланды. Тараптар парламентаралық байланыстар Қазақстан мен Швейцария халықтары арасындағы достық пен ынтымақтастықты тереңдетуге жәрдемдесетінін атап өтті.

Экономика саласындағы екіжақты байланыстар туралы айта келіп, И.Адырбеков көлік-транзиттік әлеуетті дамытуға Қазақстан баса назар аударып отырғанына тоқталды. «Біз Орталық Азиядағы транзиттік және логистикалық ірі іскерлік орталыққа – Еуропа мен Азия арасындағы көпір болуға ниеттеніп отырмыз», - деді сенатор.

И.Адырбеков Қазақстанның ұлттық экономикасын ынталандыру үшін Шетелдік және отандық тікелей инвестициялар тарту жөніндегі кешенді жоспар қабылданғанын атап өтті.

К.Миш Қазақстан Президенті Н.Назарбаев жария еткен «Нұрлы жол» жаңа экономикалық саясатын жоғары бағалады және қолайлы инвестициялық ахуал қалыптастыру жөніндегі шараларға швейцариялық компаниялар мүдделі екенін жеткізді.