Қазақстанда кәсіпорынды үш күнге дейін жабу жүйесі жойылды
8 Сәуір, 2015 16:44
Қазақстандық кәсіпкерлер үшін кәсіпорынды үш күнге дейін жабу жүйесі алынып тасталды, деді Әділет вице-министрі Бақытжан Әбдірайымов Орталық коммуникациялар қызметінде өткен баспасөз-мәслихатында.
«Кәсіпорынды жабу процедурасы да жойылды. Бұрын кәсіпорынды жабу қиын болатын. Ол үшін кәсіпкерлерге салық органдарынан қарыздарының жоқтығы жөнінде, бар болса қанша қарызы бар екендігін растайтын анықтама алып келу қажет болатын. Ең қиыны бұл үдеріс, апталарға, айларға созылатын. Қолданыстағы заңнамалық актілерге өзгерістердің енгізілуіне байланысты бұл үдерістер алынып тасталды»,-деді Б.Әбдірайым.
Оның сөзінше, бүгін Әділет департаментіне өтініш беру жеткілікті.
«Салықпен байланысты қарыздары жоқ болса, өтініш иесіне анықтама беріледі. Заңды тұлғаны реестрден алып тастайды. Осылайша үш нүннің ішінде заңды тұлғаның жұмысы тоқтатылады»,-деді министрдің орынбасары.
