• Басты
  • Француздық «Mezzo» телеарнасы Астананың концерт залдары туралы бағдарлама әзірлейді (Фото)

Француздық «Mezzo» телеарнасы Астананың концерт залдары туралы бағдарлама әзірлейді (Фото)

8 Сәуір, 2015 13:38
Биылғы жылы тұңғыш рет «Astana Piano Passion» байқауына француздық «Mezzo» телеарнасы қызығушылық білдіріп отыр.

Mezzo Backstage  бағдарламасының түсірілім тобы Астанадағы байқау өтетін концерт залдары туралы  бағдарлама әзірлемек.

«Биылғы жылы тұңғыш рет «Astana Piano Passion» байқауына француздық «Mezzo» телеарнасы қызығушылық білдіріп отыр.Астанада оларды 3 мекеме қызықтырды – Астана Опера, Бейбітішілік пен келісім сарайы, «Қазақстан» орталық концерт залы. «Astana Piano Passion» байқауының Астанада өтуі оларға қозғаушы күш болды», - деді «Accordi di Astana» қоғамдық қорының директоры Людмила Дорошенко.

«Astana Piano Passion» Халықаралық жас пианистер байқауы осымен үш жыл қатарынан өткізіліп отыр. Осы уақыт аралығында ұйымдастыру комитетіне алыс-жақын шетелдің 45 елінен 400-ге жуық өтініш келіп түскен.

Осы жылы география кеңейді. Қатысушылар саны 30 адамды құраса, жүлделік қор – 60 мың  АҚШ доллары.

 

Барлық жаңалықтар