«Astana Piano Passion» ІІІ халықаралық пианистер фестивалі байқауына 10 елдің үміткері қатысады
8 Сәуір, 2015 13:13
Сәуірдің 24-30 аралығында классикалық музыканың ІІІ халықаралық фестивалі мен «Astana Piano Passion» Халықаралық жас пианистер байқауы өтеді. Оған 10 елдің үміткерлері қатысады.
«Аталмыш байқау ел үшін өте маңызды, Қазақстан барлық әлемге саяси орталық ретінде танымал болса, енді мәдениет және өнер ошағы ретінде паш етілмек. Меніңше, аталмыш байқау Астананы саяси экономикалық орталық ретінде ғана емес, мәдени орталық ретінде таныстыруға мүмкіндік береді», - деді Астана қаласы әкімдігінің мәдениет басқармасы басшысының орынбасары Нарима Мұхамбеталина.
Осы жылы география кеңейді. Қатысушылар саны 30 адамды құраса, жүлделік қор – 60 мың АҚШ доллары.
Байқау өскелең ұрпақты рухани тәрбиелеу үшін, классикалық фортепиано өнеріне баулып, олардың шығармашылық жолдарының қалыптасуының алғаш қадамдарына қолдау көрсету мақсатында өткізіледі.
Камила Амирова
