• Басты
  • Қарағанды облысындағы ҰОС-ның ардагерлерін туған күндерімен облыс әкімі құттықтады

Қарағанды облысындағы ҰОС-ның ардагерлерін туған күндерімен облыс әкімі құттықтады

8 Сәуір, 2015 19:03
Қарағанды облысының әкімі Нұрмұхамбет Әбдібеков Ұлы Отан соғысының ардагерлері Бүркіт Есжанов пен Николай Волдыревтің үйлеріне барып, ардагер азаматтардың хал-жағдайларын білді, деп хабарлайды әкімдік өкілдері.

Облыс әкімі ардагерлерді туған күндерімен құттықтап, дендерінің саулығы мен ұзақ өмір тілеп, Қазақстан Президентінің атынан Ұлы Отан соғысындағы Жеңістің 70 жылдығына арналған мерекелік медальдар мен сыйлықтарын табыс етті.  

Бүркіт Есжанов 92 жасқа келді. Әскер қатарына ол 1942 жылы шақырылып, Батыс, Балтық жағалауы, екінші Байкал майдандарында мина атқылаушы, ұшақ механигі болып қызмет еткен. Соғысты 1945 жылы Жапонияда аяқтады. Оның наградаларының арасында 2-ші дәрежелі Отан соғысы ордені, «Ерлігі үшін» медалі сондай-ақ өзге де мерекелік медальдар бар. Соғыстан соң Киров атындағы шахтада жұмыс істеді. Қазақстанның Қарағанды қаласының, Киров аудандық партия комитетінің нұсқаушысы, сияқты өзге де лауазымды қызметтерді атқарған. Зейнетке 1983 жылдан бастап шықты.    

Николай Волдырев 88 жасқа толды. Ол әскер қатарына 1944 жылы шақырылып, Байкал және Қиыр Шығыс майдандардарындағы ұрыстарға қатысты. Соғысуды 1945 жылы Жапонияда ақтаған. «Германияны жеңгені үшін», Маршал Жуковтың «Жапонияны жеңгені үшін» медальдарының иегері. Бейбіт өмірде ол облыстың ішкі саясат басқармасының бастығы қызметін атқарған.

 

Барлық жаңалықтар