• Главная
  • Маңғыстау облысының ҰОС-ның ардагерлері Жеңіс күніне орай 200 мыңға жуық теңгеден алады
9 апреля, 2015 09:06

Маңғыстау облысының ҰОС-ның ардагерлері Жеңіс күніне орай 200 мыңға жуық теңгеден алады

Маңғыстау облысының ҰОС-ның ардагерлері Жеңіс күніне орай 198 мың теңгеден алады, деп хабарлайды аймақтың ішкі саясат басқармасы.
Маңғыстау облысының ҰОС-ның ардагерлері Жеңіс күніне орай 200 мыңға жуық теңгеден алады

«Біз биылғы жылы атаулы датаға байланысты облыс әкімдігіне бірмезгілдік жәрдемақы бойынша ұсыныс енгіздік. Біз барлық жәрдемақылардың көлемін арттырдық. Мысалы Ұлы Отан соғысының ардагерлері 2014 жылы 100 мың теңге алған болса, бұл соманы биыл біз 100 айлық есептік көрсеткішке (АЕК) жеткіздік. Теңгемен алатын болсақ, бұл 198 мың 200 теңгені құрайды. Маңғыстау облысында 1-сәуірдегі мәліметтер бойынша, 60 ардагер бар»,-делінген хабарламада.

Маңғыстау облысының жұмыспен қамтуды үйлестіру мен әлеуметтік бағдарламалар басқармасының ойластыруымен төлемдердің көлемі айлық есептік көрсеткішке негізделді. Мұндай тәсіл инфляция өсіміне орай көрсеткіштердің өздігінен теңдестіріліп отыруына мүмкіндік береді.    

Маңғыстау облысында Ұлы Отан соғысының ардагерлеріне теңестірілген 1 мың 299 азамат бар, олардың барлығы да жергілікті бюджет есебінен түрлі төлемдермен қамтамасыз етілетін болады. 60 адам 100 АЕК-тен алады, бұл 198 мың теңге. Еңбек майданы мен түрлі медальдармен наградталғандар мен наградталмағандар 40 АЕК-тен алады, бұл 80 мың теңге. Өткен жылы олар небәрі 10 мың теңгеден алатын, бұл жолы сома 8 есеге артты. Сөйтіп, 109 наградталған тыл еңбеккерлері мен 1 мың 26 наградталмаған азамат бір мезгілдік төлемдермен қамтамасыз етіледі.