Қазақстанның «WorldSkills» қозғалысына қатысуы әлемдік білім кеңістігіне кірігу жолындағы нақты қадам болып есептеледі – Сәрінжіпов

8 Сәуір, 2015 16:56

Қазақстан Республикасының Білім және ғылым министрі А. Сәрінжіповтың қатысуымен Астана қаласының №6 Кәсіптік – техникалық колледжінде «WorldSkills International» халықаралық қауымдастықтың стандарттарына сәйкес «WorldSkills Kazakhstan» Ұлттық чемпионатының салтанатты ашылу рәсімі өтті, деп хабарлады Білім және ғылым министрлігі.

Чемпионат жұмысшы мамандығының беделін көтеру, кәсіптік және техникалық білімді дамыту кәсіптік шеберлік қонкурстарын ұйымдастыру және өткізу арқылы ең үздік тәжірибе мен кәсіптік дағдыны үйлестіру мақсатында ұйымдастырылды.

Аслан Сәрінжіпов өз сөзінде еліміздің «WorldSkills» халықаралық қозғалысына қатысуы әлемдік білім кеңістігіне кірігу жолындағы нақты қадам болып, техникалық білімнің имиджіне оң ықпал ететіні сөзсіз екендігін атап өтті.

Сондай-ақ, Министр баяндамасында чемпионаттың ерекше екендігін, және де еліміздің экономикалық өсуі, жұмыс кәсіптерінің беделін арттыру мәселелерін шешуге үлес қосып қана қоймай, сонымен қатар әр адамның әлеуеті мен дара қасиетін ашу сияқты білім мен тәрбие берудің маңызды міндеттерін шешуге көмектесетіндігін айтты.

Чемпионат аясында өңірлік чемпионатқа қатысқан жеңімпаздардың конкурстық тапсырмалары нәтижелерінің көрсетілімі өтеді. Конкурстық тапсырма токарлық ісі, дәнекерлеу ісі, шаштараз ісі, ақпараттық технология, кірпіш қалау, мейрамхана (аспаз) ісі, әрлеу және гипсокартон ісі жұмыстары бойынша ұсынылды.

Чемпионаттық қорытындысы бойынша 72 елден және дүние жүзі бойынша 1300-ден астам адам қатысады деп күтілетін Сан-Пауло қаласына (Бразилия) 2015 жылғы тамыз айында өтетін Халықаралық чемпионатқа баратын Қазақстанның Ұлттық құрамасы қалыптастырылады.

Барлық жаңалықтар