Ақтөбеде патриоттық әндердің аймақтық фестивалі өтті

Фестивалдің ерекшелігі оған қатысушылардың арасында алғаш рет сахнаға шығып отырғандар да болды.

«Біз дуэт, трио, квартет және ансамбльде өнер көрсетіп жүрген вокал жанрындағы әншілердің деңгейін анықтамақ болдық. Фестивальға қатысуға ниет білдірген 20 топтың ішінде қалалар мен ауылдардың да әртістері бар, олардың жас ерекшеліктері де әркелкі, тіпті өнерпаздардың арасында сахнаға алғаш рет шығып отырғандары да бар. Фестивальға этномәдени бірлестік өкілдері де қатысты. Өздерінің вокал жанрындағы әншілерін облыстың барлық аудандары ұсынды»,-деді Облыстық халық шығармашылығы үйінің әдіскері Гүлнәр Сейталина.

Фестивальда тамашаланған әндердің тақырыптары барлық атаулы күндерді қамтыды. Онда соғыс жылдарындағы әндермен қатар бейбітшілік пен достық туралы, Отан мен халық туралы да әндер шырқалды. Көптеген әндерді көрермендер қосыла шырқап, залда бірлікке негізделген нағыз партиоттық көңіл-күй орнап, өз Отанын сүйтіндердің кеудесін мақтаныш сезімі биледі.  

Фестивальда «Оксана» украин этнобірлестігінің өкілдері баянның сүйемелдеуімен «Туған ел» әнін орындаса, «Возорождение» триосының вокал орындаушылары гитарада ойнап, шараны қандыағаштық дуэт аяқтады. Осы байқауда үздік шыққан өнерпаздар республикалық патриоттық әндердің фестиваліне қатысады.