ҚР Қарулы күштерінің әскери қызметшілері төтенше жағдайлар кезіндегі іс-қимылды пысықтады (Фото)
Оқу-жаттығуға Алматы гарнизоныәскери бөлімдерінің командирлері мен штаб бастықтары, сондай-ақ ҚР ҚК ӘҚК Әуе шабуылына қарсы қорғаныс әскерлерінің рота командирлері қатысты.
«Бақылау-өткізу пунктерінің және әскери бөлімдер күзететін объектілердің диверсияға қарсы жабдықталуын, қолдан жасалған жарылыс заттары мен әскери үлгідегі жарылғыш заттар табылған кездегі іс-қимылдыұйымдастыру, сонымен қатар әскери обьектілерді күзету мен қорғауды күшейтуге арналған бөлімшелердің өзара іс-қимылын пысықтау өткізілген іс-шараның мақсаты болды», - делінген хабарламада.
«Біз төтенше жағдайлар орын алған кезде арнайы мақсаттағы бөлімшелердің өзара іс-қимылын ұйымдастыру және оның іс жүзінде орындалуын көрсеткіміз келді», - деп 25750 әскери бөлімінің әскерлер қызметі басқармасының бастығы подполковник М.Қаманов атап өтті.
Оқу-жаттығуды 78460 әскери бөлімінің штаб бастығы подполковник А.Әкішев пен аталған бөлімнің диверсияға қарсы жұмыстар жөніндегі офицері капитан А.Қыпшақов өткізді. Іс-шараның бірінші бөлімінде әскери бөлімдердегі бақылау-өткізу пунктерінің Қорғаныс министрінің бұйрығыталаптарына сәйкес жабдықталу тәртібі, ал екінші бөлімінде – төтенше жағдайлар орын алған кезде тәуліктік нарядтың іс жүзіндегі іс-қимылын, басқа бөлімшелер көмекке келгенге дейін қолда бар күшпен қорғану жөніндегі іс-қимылын көрсетті.
