«ҚХА – 20 ізгі іс» акциясының нышаны – Тайқазан БҚО-дан Ақтөбе облысына жөнелтілді
8 Сәуір, 2015 11:23
Батыс Қазақстан облысы «ҚХА – 20 ізгі іс» акциясының нышаны – Тайқазанды Ақтөбе облысының делегациясына өткізді, деп хабарлайды облыстың ішкі саясат басқармасынан.
«Эстафетаны тапсыру салтанаты Орал қаласында жергілікті этномәдени бірлестіктер мен мектеп оқушыларының қатысуымен өтті. Ақтөбе облысынан келген қонақтар мен этномәдени бірлестік өкілдеріне және Өскенмен қаласының мектеп оқушыларына арналып, концерт ұйымдастырылды.
Естеріңізге сала кетейік, Тайқазан өзара ынтымақтастық пен бірлік, бейбітшілік пен тыныштық сияқты ізгі тілектер арқылы Ақтөбе облысына жолданып, одан әрі нышан еліміздің өзге де аймақтарына жіберіледі және 22-сәуір күні ол Астанада болады. Ал 23-сәуір күні Қазақстан халқы Ассамблеясының 23-ші сессиясы өтеді. Осылайша, еліміздің барлық аймақтарының ізгі істерінен нәр алған акция нышаны Елбасы Нұрсұлтан Назарбаевқа табыс етіледі.
