Көкшетауда «20 ізгі іс» акциясы аясында нашар еститін балалар үшін серуен ұйымдастырылды (ФОТО)

Аталмыш шара «20 ізгі іс» акциясы мен Қазақстан халқы Ассамблеясының 20 жылдығы аясында ұйымдастырылып отыр. Ақмола облысының ішкі саясат басқармасы №4 в арнайы түзету мектебінің оқушыларын «Enki» ЖШС мен «Тыныс» АҚ-на шақырды. 

«Enki» жауапкершілігі шектеулі серіктестігінің бастығы Ербол Шәкенов балаларды керамикалық кірпіш жасаудың өндірістік және технеологиялық процестерімен таныстырып, зауыттың жетістіктері жөнінде айтып берді. Балалар сонымен қатар зертханада болды. Бұл керамикалық кірпіш өндіретін ең ірі кәсіпорындардың бірі болатын.   

Іс-шараның мақсаты халықтың бірлігін нығайтып, қоғамды бейбітшілік пен келісім саясатының аясында біріктіру және «Қазақстан-2050» Стратегиясы мен Қазақстан халқы Ассамблеясын дамытудың 2020 жылға дейінгі Тұжырымдамасын орындау.

Хабарламадан мәлім болғанындай, шара сондай-ақ еліміздің барлық азаматтары мен азаматтық қоғам институттарын, барлық жеке иеліктегі мекеме өкілдерін, мемлекеттік органдар мен ұйымдарды, 20 жылдықпен байланысты іс-шараларға тартуды  көздейді.