• Басты
  • Су тасқыны кезеңінде еліміздің солтүстік және оңтүстік өңірлеріндегі құтқару топтарына көмек жіберілді (Фото)

Су тасқыны кезеңінде еліміздің солтүстік және оңтүстік өңірлеріндегі құтқару топтарына көмек жіберілді (Фото)

8 Сәуір, 2015 10:33
Қазақстан Республикасы ІІМ ТЖ комитеті «Қазавиақұтқару» АҚ екі МИ-26 тікұшағы Алматы қаласынан Астана қаласына келді. Әуе кемелері оңтүстік астанадан ТЖ комитеті Республикалық жедел-құтқару жасағының құтқарушыларын, арнайы техника мен жарақтарды жеткізді, деп хабарлады ҚР ІІМ ТЖК.

Күштер су тасқыны кезеңінде еліміздің солтүстік және оңтүстік өңірлеріндегі құтқару топтарын күшейту мақсатында жіберілді.  Әуе кемелері 19 құтқарушыны, екі авариялық-құтқару автомобилін, жүзу құралдарын, техника мотопомпаларын жеткізді.

«Ішкі істер министрінің бұйрығымен алдын алу шараларын қабылдау және су тасқынының өршуіне уақытылы ден қою үшін жалпы саны 1473 адамнан, 205 бірлік техникадан, 53 бірлік  жүзу құралынан құрылған ҚР ІІМ ТЖ комитетінің күштер топтары  Қарағанды, Ақмола және Солтүстік Қазақстан облыстарының аумақтарына жіберілді», - делінген хабарламада.

Проблемалы облыстарға Алматы, Астана қалаларынан, Алматы, Жамбыл, Оңтүстік Қазақстан, Ақтөбе, Қызылорда және Павлодар облыстарынан құтқару, суда құтқару жасақтары, өрт сөндіру қызметтерінің, Ұлттық гвардия, апаттар медицинасы бөлімшелері жіберілді.

Сонымен қатар, халықты оқыту және нұсқаулық жүргізу, азаматтарға төтенше ден қоюдың барлық спектрі бойынша көмек көрсету  құтқарушылардың міндеттеріне кіреді.  

 

 

 

Барлық жаңалықтар