Сенат депутаты Тегеранда Дүниежүзілік ислам мазхабшыларын жақындастыру ассамблеясының Бас хатшысымен кездесті

7 Сәуір, 2015 20:26

Қазақстан Президенті Н.Назарбаевтың Арнаулы уәкілі, Парламент Сенатының Қаржы және бюджет комитетінің төрағасы Рашит Ахметов Дүниежүзілік ислам мазхабшыларын жақындастыру ассамблеясының Бас хатшысы Аятолла Мохсенмен кездесті және оған Әлемдік және дәстүрлі діндер лидерлерінің алдағы V Съезіне шақыруды табыс етті, деп хабарлады Сенаттың баспасөз қызметі.

Сенатор Дүниежүзілік ислам мазхабшыларын жақындастыру ассамблеясының Бас хатшысына Қазақстан Президенті атынан жылы шырайлы сәлемін жеткізді. Әңгіме барысында Р.Ахметов Астана діни форумы мәдениеттер мен өркениеттер үнқатысуын ілгерілету жөніндегі беделді халықаралық алаңға айналғанын атап өтті және 10-11 маусымда астанада өтетін V Съезда «Діни лидерлер мен саяси қайраткерлердің бейбітшілік пен даму жолындағы үнқатысуы» тақырыбына арналды.

«Біз Дүниежүзілік ислам мазхабшыларын жақындастыру ассамблеясының бейбітшілікті қолдау және үнқатысуды дамыту жөніндегі қызметін, сондай-ақ Съездің жұмысына Ассамблея өкілдерінің белсенді қатысуын жоғары бағалаймыз. Съезд жұмысына қатысуыңыз және Сіздің бітімгершілік қызметіңіз алдағы уақытта дінаралық үнқатысуды дамытуға, толеранттық пен бейбітшілік сүйгіштікті, келісім мен тұрақтылықты нығайтуға ықпал ететін болады», - деді сенатор.

Аятолла Мохсен Араки Дүниежүзілік ислам мазхабшыларын жақындастыру ассамблеясы алдағы уақытта діни форум жұмысына белсенді қатысатынын айтты.