• Басты
  • Сәуір айының соңына дейін Қарағандыдағы әскери даңқ ескерткішінің жұмысы аяқталады

Сәуір айының соңына дейін Қарағандыдағы әскери даңқ ескерткішінің жұмысы аяқталады

8 Сәуір, 2015 09:27
Қарағанды облысында Ұлы Жеңістің 70 жылдығын тойлау дайындығы тексерілді, деп хабарлады облыс әкімдігі.

«Мемлекет басшысы ҰЛы Жеңістің меретойында бірде-бір ардагер назардан тыс қалмауы керектігін айтты. Біздің мақсатымыз ардагерлер алдында тұрған барлық мәселелерді шешу арқылы  олардың алдарындағы борышымызды өтеу», - деді Нұрмұхамбет Әбдібеков.

Әкімдіктің ақпараты бойынша, қазіргі таңда облыста 19 302 ардагер бар, оның ішінде 340 соғыс ардагері мен мүгедектері, 1121- тыл еңбеккерлері, 31 блокадшы, 137 – концлагер тұтқындары, 17 еркін құрам, 867 ардагерлердің жұбайлары,16 867 тыл еңбеккерлері.

Қазіргі таңда ҰОС ардагерлері мен мүгедектерінің тұрғын үй жағдайы тексерілді, сондай-ақ, назардан соғыс кезінде еңбек аткендер де қалмады. 65 ардагер пәтер жөндеуіне мұқтаж болса, 53-тұрмыстық техника мен жиһазды қажет етіп  отыр, 4 – мүгедектер арбасына мұқтаж, 10- есту аппаратына, 7 – тісті протездеуді қажет етуде. Қазір аудан мен қала әкімдіктері бұл сұрақтарды шешуде.

Денсаулық сақтау саласы бойынша ҰОС-тың барлық ардагерлері мен тыл еңбеккерлері тегін дәрілік препараттармен қамтылған. Соғыстың барлық қатысушылары коммуналдық  төлемнен босатылды, сондай-ақ, көмір мен отынмен қамту мәселесі де шешілген. 

Сондай-ақ, әкімдіктің хабарлауынша, Мәскеу мен Астанада өтетін парадқа қатысатындардың тізімі шықты. Қарағандыда парадқа қатысатын адамдарға арнайы киім тігудің ательесі таңдалды. Бір адамның киімі 68 мың теңгені құрайды. 

Барлық жаңалықтар