Қостанайда ТКШ-ны жаңғырту шараларын ЕҚДБ қаржыландыратын болады
7 Сәуір, 2015 19:13
Қостанай облысы әкімінің Еуропалық қайта құру және даму банкі (ЕҚДБ) өкілдерімен кездесуі барысында екіжақты ынтымақтастық мәселелері сөз болды.
«Кездесуде облыс әкімі мен оның орынбасары Е.Аман, облыс әкімдігінің құзырлы басқармаларының өкілдері Еуропалық банк қызметкерлерімен жылу беру, су беру жүйелерін жаңғырту бойынша жүзеге асырылатын жобаларды қаржыландыру мәселелерін талқыға салды»,-деп хабарлайды облыс әкімдігінен.
Кездесу қорытындысы бойынша облыс орталығындағы «Қостанай энергетикалық компаниясы» мен «Қостанай су» мекемелерін жаңғырту жұмыстарын қаржыландыру жөнінде алдын ала келісім жасалды.
Жыл бойына мақұлданған жобалар бойынша техникалық-экономикалық зерттеулер жасалып, жыл соңында қаржыландыру жұмыстары 2016 жылы басталатын несие келісіміне қол қою жоспарлануда.
