Дүниежүзілік денсаулық күнін мерекелеу шеңберінде Қазақстанның медұйымдары азаматтарды шұғыл диагностикалаудан өткізуде

МСАК ұйымдарында әртүрлі аурулардың және салауатты өмір салтын қалыптастыру жөніндегі денсаулық мектептері жұмыстарын жандандыруда. Халық көп шоғырланған жерлерде әлеуметтік маңызды аурулардың алдын-алу, қауіп-қатер факторлары және салауатты өмір салтының әртүрлі аспектілері бойынша мамандардың кеңестерімен медицина қалашықтарының жұмысы ұйымдастырылуда. Білім беру ұйымдарында флешмобтар, дебаттар, көңілді алғырлар клубтары, спорттық, мәдени-көңіл көтеретін іс-шаралар өтуде. 

Мемлекет Басшысы «Қазақстан-2050»: Стратегиясы қалыптасқан мемлекеттің жаңа саяси бағыты» атты  Қазақстан халқына арнаған Жолдауында, «салауатты өмір салты ұлт денсаулығының кілті болып саналады»,- деп атап өткенін естеріңізге саламыз.

«Дүниежүзілік денсаулық сақтау ұйымы мамандарының пікірі бойынша, денсаулықтың 50-55%-ы адамның өмір салтына,  20-23%-ы тұқымқуалаушылыққа, 20-25%-ы қоршаған ортаға (экологияға), 8-12%-ы ұлттық денсаулық сақтау саласының жұмысына байланысты. Осы тұрғыдан Дүниежүзілік денсаулық сақтау ұйымының сарапшыларымен салауатты өмір салтын қалыптастыруға бағытталған басты ұсыныстар қалыптастырылды»,- делінген хабарламада.

Бірінші кезекте, ол тағамда жануар майын аз тұтыну, тұзды, қантты тұтынуды шектеу, барлық өндіруші тізбегін қамтамасыз етумен азық-түліктердің қауіпсіздігін сақтау, азық-түліктерді таза жерде сақтау, жылумен өңделетін азық-түліктерді шикі азық-түліктерден бөлек сақтау, қауіпсіз су тұтыну, алкогольді ішімдіктерді тұтынуды шектеу, дұрыс дене салмағын ұстау, үнемі жаттығу жасау және күйзеліс деңгейін төмендету.

Дүниежүзілік денсаулық сақтау ұйымы шеңберінде өткізілген шаралар азаматтардың туылғаннан қарттық жасқа дейін өз денсаулығын сақтау мен нығайтуға жауапкершілігін арттыруға, өмір сүру сапасын арттыруға және ұзақ өмір сүруге ықпал ететін салауатты өмір салтын,  денсаулық сақтау дағдыларын қалыптастыруға бағытталған.