Қазпоштаның 100 бөлімшесінде электронды кезек жүйесі енгізілді – Б.Мусин
7 Сәуір, 2015 14:33
Қазпоштаның 100 бөлімшесінде электронды кезек жүйесі енгізілді, деді «Қазпошта» акционерлік қоғамының Басқарма төрағасы Бағдат Мусин Орталық коммуникациялар қызметінде.
«Бүгінгі таңда Қазпоштаның 100 бөлімшесі электронды кезек жүйесіне көшірілді, 2015 жылдың соңына дейін тағы 200 бөлімшені көшіру жоспарлануда. Электронды кезек жүйесі бөлімшелердегі кезекті тәртіпке келтіріп қана қоймай, Астанадағы Орталық аппаратта орналасқан ситуациялық орталыққа тиісті ақпараттарды жіберіп отыратын болады»,-деді Б.Мусин.
Оның сөзінше, осы уақытта бақылау мен мониторинг бөлімшелері құрылған және ол талдаудан өткен ақпараттарды қабылдап отырады.
«Электронды кезек жүйесі арқылы бөлімшелерде қанша адамның кезекте тұрғандығын көреміз және соған қарай әрекет етуге мүмкіндік алатын боламыз»,-деді Басқарма төрағасы.
