• Басты
  • ҰОС кезеңіндегі қару мен әскер түрі Ұлы Жеңістің 70 жылдығына арналған шарада көрсетіледі
8 Сәуір, 2015 09:46

ҰОС кезеңіндегі қару мен әскер түрі Ұлы Жеңістің 70 жылдығына арналған шарада көрсетіледі

Дәл бір айдан соң Астанада Ұлы Отан соғысындағы Жеңістің 70 жылдығына арналған қазақстандық армия тарихындағы ең ірі әскерлер парады өтеді, деп хабарлады Қорғаныс министрлігі.
ҰОС кезеңіндегі қару мен әскер түрі  Ұлы Жеңістің 70 жылдығына арналған шарада көрсетіледі

Ауқымды шеруге 5000-нан астам әскери қызметші, саны 220-ға жуық қазіргі заманғы қару-жарақ пен әскери техника, 70 бірлік заманауи авиациялық техника қатысатын болады. Мұнда ҚР Қарулы Күштерінің қазіргі келбетімен қатар Ұлы Отан соғысы жылдарындағы армия және қару түрлері көрсетіледі.

Олар Қызыл армия киім үлгісіндегі әскери қызметшілер, санитар-нұсқаушы қыздар, 27  бірлік техника мен қару-жарақ (танк Т-34, ЗиЛ-157, ЗИС-2 және М-30 гаубицалы зеңбірек, танымал БМ-13, РС-30 «Катюша» және «Максим» пулеметі). Қазақстан Қарулы Күштерінің әскери қызметші қыз-келіншектері парадқа ерекше көрік береді.

Парадқа қатысу үшін жалпы саны 186 қыз-келіншек іріктеліп алынды. Олардың ішінде 32 адам – ҰОС уақытындағы рота құрамында тарихи бөлімде, ал ҚР ҚК барлық әскер түрлері мен тектерінен 154 әскери қызметші – қазіргі заманғы бөліміне қатысады. Біріккен рота құрамы жеке жаяу лекпен, қазақстандық әскери оқу орындарының курсанттарының соңын ала адымдайтын болады.

Қорғаныс министрлігінің біріккен оркестрі мен авиа-шоу дың парадтағы ерекше орнын атап өтуге болады. Әскери музыканттар кеңестік және қазақстандық сазгерлердің отызға жуық танымал әуендерін орындайды, ал ұшқыштар жеке және пилотаждық топ құрамында жоғарғы пилотаж кескіндемелерін жасай отырып өз шеберліктерін көрсетеді. Алдағы парад – ұрпақ болашағы үшін, бейбітшілік пен бостандық үшін күрескен әке, ата-бабаларымызға деген құрмет, бұл бүгінгі елімізді қорғайтын қазақстандық армияның қуатын көрсету. 
 

 

 

 

Барлық жаңалықтар