Қазақстанда пошта тасушылардың жұмысы жаңғыртылады
7 Сәуір, 2015 13:04
2015 жылдан бастап әрбір пошта тасушы смартфонмен қамтылады, деп хабарлады «Қазпочта» АҚ басқарма төрағасы Бағдат Мусин ОКҚ брифингінде.
«Біз пошта тасушының образын қайта қарайтын боламыз, біз әрбір қала мен облыстардағы пошта қызметкерлерін смартфондармен қамтимыз», - деді Б.Мусин.
Оның айтуынша, аталмыш смартфондарға тапсырыстар келіп түсе береді, ол уақыттың үнемделуіне мүмкіндік береді.
«Пошта тасушы төлемді белгілеп, оларды қабылдай алады, демек біз арнайы принтер береміз, олар қондырғы арқылы комқызмет пен төлем қабылдаған соң түбіртек шы,арып бере алады», - деді «Қазпошта» АҚ басшысы.
Б.Мусин атап өткендей, Қазақстандағы пошта тасушылардың дәрежесі өсетін болады, олардың жұмыстары қайта қаралмақ, бұл бағытта жұмыс белсенді жүруде.
Индира Кауметова
