Астанада 60 мыңға жуық белсенді шағын және орта бизнес субьектілері жұмыс істейді – әкім

«Сататистика бойынша, елордада белсенді шағын және орта бизнес субьектілерінің саны 60 мыңға жуықтайды. Бұл салада жұмыспен қамтылғандар саны қаланың жұмысқа қабілетті тұрғындарының жартысына жуығын, нақтырақ айтқанда 233 мың адамды құрайды»,-деді Әділбек Жақсыбеков кіріспе сөзінде.

Әкім Астананың ауыр өнеркәсіп әлеуетінің емес, жоғары инновациялық технологиялар негізінде, қарқынды дамып келе жатқан шағын және орта бизнестің қаласы екендігін атап өтті.   

«Кәсіпкерлікті дамыту елорданың экономикалық дамуының өзегі болып табылады. Осыған қарай мемлекеттік-жеке әріптестік негізінде кәсіпкерлік ортаның жетілуіне барлық жағдайлар жасалып, тиісті шаралар белсенді қолданылуда»,-деді ол.

2014 жылдың 9 айының қорытындысы бойынша 2,3 триллион теңгенің тауарлары өндірілген. Ішкі аймақтық өнімде шағын және орта бизнестің үлесі 65 пайыздан асады.

Камила Амирова