• Басты
  • «Шығыс» өңірлік қолбасшылығында жауынгерлік міндетті орындау әзірлігі тексерілді (Фото)
7 Сәуір, 2015 19:29

«Шығыс» өңірлік қолбасшылығында жауынгерлік міндетті орындау әзірлігі тексерілді (Фото)

Қазақстан Республикасы Қорғаныс министрлігінің Бас инспекциясы ағымдағы жылдың 31 наурызы мен 6 сәуірі аралығында «Шығыс» өңірлік қолбасшылығы 36803 әскери бөліміне тексеру жүргізді. Бас инспекция бес жылда бір рет тексеру жүргізеді, деп хабарлады Қорғаныс министрлігі.
«Шығыс» өңірлік қолбасшылығында жауынгерлік міндетті орындау әзірлігі тексерілді (Фото)

Тексерудің басты мақсаты – әскери бөлімге жүктелген жауынгерлік міндетті орындау қабілетін тексеру. Осы орайда тексеруге жеке құрамнан 500-ге жуық адам және 200 бірлік техника тартылды. Іс-шара барысында негізгі оқыту пәндері, олардың ішінде тактикалық даярлықтан, Макаров пистолеті мен АК-74 автоматынан іс жүзінде ату арқылы атыс даярлынан офицерлер мен келісімшарт бойынша әскери қызметшілердің білімі тексерілді.

«Сонымен қатар жауынгерлік техникамен 400 шақырымға созылған марш жасалды. Бұдан басқа, басқару батареясы мен  зымыранды дивизионның әскери қызметшілері жауынгерлік міндеттерге сәйкес іс-шараларды орындады. Батареялармен байланыс орнатылып, әскери бөлімнің өрт сөндіру тобы «шартты» өрт  сөндіру қимылдарын пысықтады», - делінген хабарламада.

«Шығыс» өңірлік қолбасшылығына қарасты 36803 әскери бөліміне «өте жақсы» деген баға беріліп, жауынгерлік міндетті орындауға қабілетті деп танылғанын атап өткен жөн. Тексеру нәтижесі бойынша ҚМ Бас инспекциясының бастығы генерал-лейтенант Құрбан Қаражановтың басшылығымен өткен тексеру нәтижелері бойынша 3 сыныпты сержант Айдос Секбаев, аға сержант Дәмір Қажыбек, сержант Ермак Махметов және кіші сержант Маулида Аппузовалар жақсы жағынан атап өтілді. 

 

 

Барлық жаңалықтар