Нобель сыйлығының лауреаттары G-global қазақстандық сарапшылар клубының құрамына кіреді

7 Сәуір, 2015 11:10

Қазақстанда G-global сарапшылар клубының құрамы жасақталуда және оған 20 Нобель сыйлығының лауреаты кіреді, деді ҚР Парламенті Сенатының депутаты, Халықаралық G-global хатшылығының жетекшісі, «Еуразиялық экономикалық ғалымдар клубы» Қауымдастығының Үйлестіру кеңесінің тең төрағасы Серік Нөгербеков Орталық коммуникациялар қызметінде.

«Бұлар ғалымдар, сарапшылар, беделді тұлғалар және олардың арасында Нобель сыйлығының 20 лауреаты бар. Осы уақытта онлайн алаңындағы пікірталастардың белсенді қатысушылары, яғни сарапшылар пулы құрылуда»,-деді С.Нөгербеков.

Депутаттың сөзінше, интернеттен арнайы бет ашу жоспарлануда. Онда сарапшылар «G-global-ды дамыту болашағы» атты тақырыптың айналасындағы мәселелер бойынша пікір алмасады.

«Клубтың тағы мақсаттарының бірі G-global-дың коммуникативті алаңын ғылыми-оқыту ресурсына айналдыру. Қазіргі таңда көптеген кітапханалармен ғылыми материалдарды жеткізу бойынша келіссөздер жүргізілуде. Интернет-ресурста шағын және орта бизнес, инновациялар, қаржы секторы туралы айдарлар болады. G-global онлайн алаңы - демократиялық алаң».-деп қорытты сөзін С.Нөгербеков.

Барлық жаңалықтар