ҚР-да қаржы пирамидаларының қызметіне қарсы тұру мәселелері жөніндегі заң жобасы талқылануда
8 Қазан, 2013 19:54
Бүгін, 8 қазанда Қаржы полициясы агенттігінде ҚР «Қаржылық пирамидалардың қызметіне қарсы іс-қимыл мәселелері жөніндегі Қазақстан Республикасының кейбір заң актілеріне өзгертулер мен қосымшалар енгізу туралы» Заңжобасын талқылау бойынша сапарлық отырысы өтті, деп агенттіктің баспасөз қызметі хабарлады.
«Бүгін Қаржы полициясы агенттігінде ҚР Парламенті Мәжілісінің Заң шығару және сот-құқықтық реформасы комитетінің ҚР «Қаржылық пирамидалардың қызметіне қарсы іс-қимыл мәселелері жөніндегі Қазақстан Республикасының кейбір заң актілеріне өзгертулер мен қосымшалар енгізу туралы» Заң жобасын талқылау бойынша сапарлық отырысы өтті», - деп хабарламада нақтыланған.
Отырысқа Қаржы полициясы агенттігінің Төрағасы Р.Т.Түсіпбеков, оның орынбасарлары, Агенттік бөлімшелерінің басшылары, Заң шығару және сот-құқықтық реформасы комитетінің төрағасы Р.Ж.Мұқашев, жұмыс комиссияның мүшелері – Парламент Мәжілісінің депутаттары қатысты.
