Жамбыл облысында «Жұмыспен қамту-2020» бағдарламасы аясында 1229 адам жұмысқа орналасады
7 Сәуір, 2015 12:33
Жамбыл облыстық жұмыспен қамтуды үйлестіру және әлеуметтік бағдарламалар басқармасының мәліметінше, ағымдағы жылы аймақ бойынша барлығы 18826 адам еңбекке тартылады деп жоспарлануда.
Облыстың ішкі саясат басқармасы хабарлағандай, 1229-і «Жұмыспен қамтудың жол картасы- 2020», 535-і мемлекеттік және салалық бағдарламалар аясында қамтылатын болады.
Жергілікті бюджеттен бөлінген қаржыға 604 адам кәсіптік, 596 түлек жастар практикасы бойынша оқытылмақ. Тұрғындарды әлеуметтік жұмыс орындарына орналастыруға-60,7 млн.теңге, ақылы қоғамдық жұмыстарға тартуға-657,4 млн.теңге қарастырылған. Ал өз бетімен жұмыспен қамтылған 300 азаматтың еңбегі заңдастырылатын болады.
Сондай-ақ, бұрын «Жұмыспен қамту 2020 жол картасы» бойынша берілген несиелерден қайтарылған қаражат есебінен 80 адамға 174,5 млн.теңгеге шағын несие беріледі деп күтілуде.
