• Басты
  • «Денсаулық» медициналық пойызы Жамбыл облысының 6 стансасына қызмет көрсетеді (ФОТО)

«Денсаулық» медициналық пойызы Жамбыл облысының 6 стансасына қызмет көрсетеді (ФОТО)

7 Сәуір, 2015 16:39
«Денсаулық» медициналық пойызының қозғалысы кестесіне сәйкес Жамбыл облысының 6 стансасына қызмет көрсетеді, деп хабарлады ҚР ІІМ ТЖК.

Қазақстан халқы ассамблеясы жылына арналған акция аясында «Менің Қазақстаным», «Жәрдем» және «Саламатты Қазақстан»  пойыздарымен бір уақытта жұмысын бастаған «Денсаулық» медициналық пойызы әлеуметтік жобаны іске асыруды жалғастыруда. Осы жолы медициналық пойызы Алматы мен Жамбыл облыстарының шалғай жатқан жерлерінен, адамдардың білікті медициналық көмекке кез-келген уақытта қолжеткізе алмайтын стансаларынан өтуде.

Пойызда флюорографиялық аппарат, рентгенді қондырғы, УЗИ аппараты, бір күн ішінде жүрек қан тамыры мен артериялық қан қысымын анықтауға арналған жабдық және урология кабинеті бар. Пойыздағы медициналық бригаданың құрамында жоғары және бірінші біліктілік санатындағы 18 дәрігер жұмыс істейді. Олардың қатарында педиатрлар, кардиологтар, стоматологтар мен хирургтар, және басқа да мамандар бар. 

Бүгінгі күні «арнайы құрам» медицина қызметкерлері 1500 адамға диагностика мен медициналық көмек көрсетті.

Медициналық пойыздың Жамбыл облысы аумағындағы жұмыс сапары ағымдағы жылдың 10 сәуіріне дейін жалғасады.

 

Барлық жаңалықтар