Қазақстанда мемлекеттік органдардың конкурс үрдісін өткізу уақыты 3 есеге қысқарды
8 Қазан, 2013 19:27
ҚР-ның мемлекеттік қызметіне жаңа заңнама енгеннен кейін органдардың конкурс үрдісін өткізу уақыты 3 есеге қысқарды, деп Мемлекеттік қызмет істері жөніндегі агенттіктің баспасөз қызметі хабарлады.
«Мемлекеттік қызмет жайында жаңа заңнаманың күшке енуі мемлекеттік органдардың конкурс үрдісін өткізу уақытын 3 есеге қысқартты, тестілеу бағдарламсы қиындады», - деп агенттік хабарламасында жазылған.
Айта кетерлігі, 2013 жылдың жарты жылдығы бойынша тестілеуден өткендер 58 пайызды құрады, ал ол 2012 жылы 66 пайызға тең болған.
Сонымен қатар, ауыстыру үрдісіне де шек қойылды. 2012 жылдың 1 жартысында 3,5 мың ауысылым болса заң күшке енгеннен кейін олар 50 есеге қысқарды.
