Индустрияландырудың алғашқы бесжылдығында тау-кен металургия кешеніне 60 түрлі өндіріс енгізілген

«Алғашқы бесжылдықта 2,5 миллиард АҚШ долларына 60 түрлі жаңа өндіріс іске қосылып, 16 мыңнан астам жұмыс орындары ашылды. Металургия өнеркәсібінің көлемі 2010-2014 жылдар аралығында 22 пайызға өсті, металургиялық руда өндіру 35 пайызға көбейді, дайын метал өнімдерінің өндірісі 57 пайызға артты»,-дейді республикалық қауымдастық өкілдері.

Хабарламада сондай-ақ 2010 жылдан бері металургия өндірісінде еңбек өнімділігі 59 пайызға артып, бір адамға шаққанда 68,2 мың доллардан 2014 жылы 108,2 мың долларға дейін көбейгендігі айтылған.

«Қазақстанда тау-кен өндірісі саласының негізгі бағыттарына салынған инвестиция  көлемі артып отыр. Қатты пайдалы қазбаларға салынған инвестициялардың өсу қарқыны соңғы екі жылда 30 пайыз деңгейінде сақталып тұр»,-делінген хабарламада.