«Жер қойнауы туралы» кодексті Парламентке 2015 жылдың екінші жартысында енгізеді-Радостовец (ФОТО)

6 Сәуір, 2015 16:21

«Жер қойнауы туралы» кодексті Парламентке 2015 жылдың екінші жартысында енгізеді, деп хабарлады бүгін Ұлттық кәсіпкерлер палатасы алқасының тау-кен және металургиялық өнеркәсіп комитетінің және Тау-кен өндірісі және тау-кен металургиялық кәсіпорындары қауымдастығының төрағасы Николай Радостовец.

«Үкімет инвесторларды қолдау бағытында бірқатар салмақты қадамдар жасады. Солардың бірі - 2015 жылдың соңына таман Парламентте «Жер қойнауы туралы» кодекс қаралады. Құжатта инвесторларға деген жаңа қарым-қатынастың тұжырымдамасы көрініс тапқан және олар халықаралық деңгейдегі үздік деген ұстанымдарға негізделген. Біз қоғам өкілдерімен, ұлттық палатамен, үкіметпен бірлесе отырып, «Жер қойнауы туралы» кодекстің жобасын кең ауқымды талқылауға жылдың екінші жартысында ұсынсақ па деп отырмыз»,-деді Н.Радостовец Орталық коммуникациялар қызметінде өткен баспасөз-мәслихатында.

Қауымдастық басшысы құжатта тек салынатын салықтың процедуралары ғана емес, сотпен байланысты да кең ауқымды мәселелер көрініс табатындығын атап өтті.

«Индустриалды-инновациялық бағдарламаға сәйкес, қара металургия бойынша шамамен 390 миллиард теңгенің, ал түсті металургияда 1 триллионнан астам теңгенің жобалары жүзеге асырылады»,-деді ол.

Камила Амирова

Фото Азамата Алиева

Барлық жаңалықтар