Астанада Жеңістің 70 жылдығына орай ТМД ПАА «Еске алу эстафетасы» өтті (Фото)

«Ресей Федерациясы Федерация Кеңесінің спикері   Валентина Матвиенконың патронаттығымен өтіп жатқан ТМД ПАА халықаралық акциясы 11-наурызда Минск қаласында басталған. Одан әрі Бакуде жалғасып, Кишинев, Ереван, Бішкекте,  Душанбеде, Мәскеуде салтанатты түрде алау отын жақты. Сол тарихи, дәстүрлі  эстафета Қазақстанның елордасына да келіп жетті», - делінген хабарламада.

ҚР Парламенті Сенаты Төрағасының орынбасары Қайрат Ищанов пен Мәжіліс Төрағасының орынбасары Сергей Дьяченко ТМД ПАА делегациясы өкілдері, Ұлы Отан Соғысының және тыл ардагерлері мен Астана қаласының әскери-патриоттық жұмыстармен айналысатын жастар ұйымдары мүшелерінің алдында сөз сөйледі. «Жеңіс күні – ТМД елдері үшін қасиетті мереке. Бұл ұлы күн әрбір қазақстандықтың жүрегінен ерекше орын  алып отыр. Сондықтан біз бүгін ТМД Парламентаралық Ассамблеясының «Еске алу эстафетасы» халықаралық акциясын құшақ жая қарсы алудамыз.Елбасы Нұрсұлтан Әбішұлы Назарбаев Ұлы Отан соғысына қатысушылар мен тылда еңбек еткендерге айырықша ықыласпен әлеуметтік, материалдық және медициналық көмек көрсетілгеніне назар аударады. «Бірде-бір ардагер мемлекет назарынан тыс қалмауы керек»,- деді  Мәжіліс вице-спикері С.Дьяченко. 

 Санкт-Петербор қаласы Мәңгілік алауының арнайы капсуласына  Астана қаласындағы «Отан қорғаушылар» монументінен салтанатты түрде Мәңгілік алау отынан тұтатып, эстафетаны жалғастырып  алып кетті.

Акция 16-сәуірде Санкт-Петерборда өз мәресіне жетеді. ТМД ПАА қатысушы-мемлекеттер парламентшілері Таврический сарайында жалын бөлшектерін салтанатты түрде бірыңғай Достастық алауына біріктіріп, «Ленинградты ерлікпен қорғаушылар монументі» - Санкт – Петербор мемлекеттік тарихи мұражайы филиалына табыс етіледі.