«Нұрлы жол» бағдарламасы 402 мың адамды жұмыспен қамтуға мүмкіндік береді – Мұханов
6 Сәуір, 2015 12:11
«Нұрлы жол» жаңа экономикалық бағдарламасы 402 мың адамды жұмыспен қамтуға мүмкіндік береді, деп хабарлады «Экономикалық зерттеу институты» АҚ басқарма төрағасы Мақсат Мұханов ОКҚ брифингінде.
«Нұрлы жол» жаңа экономикалық саясаты – 30 дамыңан елдің қатарына енудің маңызды қадамы. Бағдарлама 402 мың адамды жұмыспен қамтуға мүмкіндік береді. Олардың ішінде 94 мың адамы тұрақты жұмыспен қамтылса, 308,6 мыңы уақытша жұмысқа тартылады», - деді М.Мұханов.
Басқарма төрағасының айтуынша, бағдарлама ел экономикасын дамытуда логистикалық қадам болып табылады.
«Бағдарламаның басты мақсаты – экономикаға қажетті инфрақұрылымдық каркасыты әзірлеу, өңірдегі бизнесте жаңа мүмкіндіктер ашу. Бағдарлама елдің бірыңғай нарығын ашуға бағытталған», - деді М.Мұханов.
Оның айтуынша, Қазақстан экономикалық бизнесті гүлдендіруге жасап отырған жаңа шаралары шетелдік инвесторлардың тартылуы мен жаңа өндіріс ашуда мүмкіндік сыйлайды.
