Жамбыл облысында деректерді өңдеу орталығы ашылды
Дата-орталық қызметтері көбінесе мемлекеттік секторға бағытталады. Жаңа орталық Жамбыл облысының мемлекеттік органдарына Colocation, Hosting, Software as service қызметтері мен бағдарламалық-аппараттық кешенге жүйелік-техникалық қызмет көрсетуге мүмкіндік береді.
«Ұлттық ақпараттық технологиялар» АҚ басқарма төрағасының орынбасары Серікжан Байбәкіров ашылу салтанатында айтқан сөзіне сәйкес, дата-орталық барлық халықаралық сапа нормаларына сәйкес келеді, оның барлық тіршілікті қамтамасыз ету инженерлік жүйелері сақтық қорда сақталған.
«Бұл ДӨО 24х7х365 тәртібінде жұмыс істейтінін, тоқтаусыз жұмыс пен бағдарламалық-аппараттық кешендердің істен шығу төзімділігін 99,749% деңгейінде сақтайтынын және мәліметтерді жүйеге рұқсат етілмеген қолжетімділіктер мен физикалық бұзылудан сақталуын қарастырады» - деп толықтырды ол.
Естеріңізге салсақ, «Ұлттық ақпараттық технологиялар» АҚ дата-орталықтары Қазақстан Республикасындағы «электрондық үкімет» бағдарламасын дамыту үшін инфрақұрылымдық алаңша болып табылады. Дата-орталық «Ақпараттық Қазақстан – 2020» мемлекеттік бағдарламасы мен үдемелі индустриялық-инновациялық даму жөніндегі бағдарламасы аясында іске қосылды.
Іс-шараның аяқталысымен Таразда «Жамбыл облысының әкімдігі мен «Ұлттық ақпараттық технологиялар» АҚ арасында ынтымақтастық туралы меморандумға» қол қойылды.
Ведомство ақпараты бойынша, ДӨО бұл мониторинг және басқарудың орталықтанған жүйесімен мәліметтерді сақтау мен тарату, өңдеудің бағдарламалық-аппараттық кешендерінің орналасуы мен қызмет етуі үшін құрастырылған қолдау мен сүйемелдеу қызметі бар істен шығуға тұрақты кешендік инженерлік инфрақұрылым.
