• Басты
  • Қазақстанда тұңғыш рет әскер қатарына шақыру мәселелері бойынша арнайы байланыс желісі арқылы кеңес берілетін болады – Қорғаныс министрлігі
6 Сәуір, 2015 15:07

Қазақстанда тұңғыш рет әскер қатарына шақыру мәселелері бойынша арнайы байланыс желісі арқылы кеңес берілетін болады – Қорғаныс министрлігі

Қазақстан Республикасы Қорғаныс министрлігіндегі әскерге шақыру науқанының басталуына орай уақытша штаб (арнайы байланыс желісі) құрылды, деп хабарлады Қорғаныс министрлігі.
Қазақстанда тұңғыш рет әскер қатарына шақыру мәселелері бойынша арнайы байланыс желісі арқылы кеңес берілетін болады – Қорғаныс министрлігі

Әр әскерге шақырылған азамат немесе оның отбасы аталған желі арқылы 2015 жылғы әскерге шақыру науқанына (құжаттарды беру, медициналық куәландыру және т.б.) қатысты барлық сұрақтарға жауап алатын болады. Байланыс желісін орнатудың негізгі мақсаты азаматтарда туындаған мәселелер мен проблемалық сәттерде жылдам шешім қабылдау үшін кеңес беру болып табылады.

«Кеңесті ҚР ҚК БШ Ұйымдастыру-жұмылдыру жұмыстары жөніндегі департаменті мен ҚР ҚК Бас әскери медициналық басқармасының құзырлы мамандарыбере алады.  Байланыс желісінің телефондары: 8 (7172) 72-13-89, 72-14-20, 72-13-82 (жалпы сұрақтар бойыншақоңыраулар тәулік бойы қабылдайды) және 8 (7172) 39-33-37», - делінген хабарламада.

 Бұрын мерзімді әскери қызметке шақыру кезінде түсіндірме жұмыстары ұдайы жүргізілетін. Дегенмен осындай ауқымда бірінші рет ұйымдастырылып отыр. Естеріңізге сала кетсек, қазақстандық армия қатарын алдағы көктемде әскер қатарын (сәуір-маусым) 15 мыңнан аса әскерге шақыру жасындағы әскерге шақыруды кейінге қалдыруға және босатуға құқығы жоқ жасжігіттер толықтырады. Ағымдағы жылы мерзімді әскери қызметке жалпы саны 30 мың қазақстандықты шақыру жоспарланып отыр.
 

Барлық жаңалықтар