• Басты
  • Солтүстік Қазақстанның құтқарушылары ҰОС ардагерлерін белсенді қолдауда
6 Сәуір, 2015 10:34

Солтүстік Қазақстанның құтқарушылары ҰОС ардагерлерін белсенді қолдауда

Солтүстік Қазақстан облысы Тайынша ауданының Өрт сөндіру қызметкерлері Ұлы Жеңістің 70 жылдық мерекесінің қарсаңында соғыс және еңбек ардагерлерін қолдау акциясына белсене қатысты, деп хабарлады ҚР ІІМ ТЖК.
Солтүстік Қазақстанның құтқарушылары  ҰОС ардагерлерін белсенді қолдауда

Тайынша қаласының тұрғыны, Ұлы Отан Соғысының және өрт сөндіру қызметінің ардагері   Перфильев Петр Федорович  ерекше сый-құрметке бөленді.

Петр Федорович 1926 жылы 28 қарашада Солтүстік Қазақстан облысы Приишим ауданы Новоникольск селосында туған. Отбасында  бес  бала болды, жастық шағынан өмірдің қиындықтарын басынан өткерді. 17 жасқа толмаған  бозбала 1943 жылы әскер қатарына шақырылды.Жас жауынгер курсын аяқтаған соң, майданға аттанды.  Волхов және 4-Украин майданы құрамында еліміздің қалалары мен селоларын, сонымен қатар Прага қаласын  азат етті. Жеңіс хабар жеткеннен кейін, майдандастарымен бірге, 71-дивизия құрамында, батыста жаулармен күресті жалғастырды.1950 жылы өз еліне оралғанда,  анасы мен үш әпкесі қарсы алды.

Петр Федорович 20 жылдан астам Красноармейск қаласында  өрт сөндіру  бөлімінде қызмет етті, ал 1986 жылдың қараша айынан зейнеткерлік демалыста. Ерен еңбегі мен ерлігінің айқын дәлеле оның наградалары:  Қызыл Жұлдыз орден, ІІ Дәрежелі Отан соғысы ордені, «Ерлігі үшін» медалі және тағы басқа мемлекеттік марапаттары бар.

Петр Федорович пен оның зайыбы Прасковья Алексеевнаға зор денсаулық, ұзақ өмір,алдағы өмірлеріне дәулет пен береке тілейміз.

Біз Отан қорғаушылар алдында бас иеміз және олардың алдында мәңгілік борыштарымыз.

 

Барлық жаңалықтар