«Amitech Astana» ЖШС кәсіпорнында қазақстандық қамту 68 пайызды құрайды (ФОТО)
6 Сәуір, 2015 11:05
«Amitech Astana» жауапкершілігі шектеулі серіктестігінде қазақстандық қамту деңгейі 68 пайызды құрайды, деп хабарлады Strategy2050.kz ақпарат агенттігіне «NADLoC» «Жергілікті қамтуды дамыту ұлттық агенттігі» акционерлік қоғамының өкілдері «Аврора» ӨК-на сілтеме жасай отырып.
«Amitech Astana» ЖШС шыныпластикалық құбырлар шығаратын отандық өнім өндіруші. Сонымен қатар аталмыш кәсіпорын диаметрі 300-ден 3000-ға дейінгі, қысым деңгейі 32 атм болатын FLOWTITE технологиясы бойынша фасонды бөлшектер шығарады. Бұл кәсіпорында қазақстандық қамту деңгейі 68 пайызды құрайды.
Кәсіпорын Қазақстан Республикасы Президентінің «Алтын сапа» саласындағы сыйлығының иегері. «Amitech Astana» ЖШС-ның жоспарында өндіріс пен өнімдерді саудалау деңгейін көтеріп, экспорт көлемін арттыру, шығарылатын өнім сапасын арттыру сияқты міндеттер бар.
