Астанада су бөлетін шүмектерді бөлшектеп, жеке секторларды сумен жабдықтау орталығына қосу жұмыстары жалғасуда
«2003-2013 жылдар аралығында Астана қаласында «Астана су арнасы» МКК 130 км сыртқы су құбырларын тартты. Негізінен жеке тұрғын үй көшелері біріктірілді. Енді ондағы тұрғындар аз ғана шығынмен орталық сумен жабдықтау жүйесіне қосыла алады»,- делінген мемлекеттік коммуналдық кәсіпкерлік хабарламасында.
2011 жылдың басында Астана қаласында 593 су бөлетін шүмектер болса, бүгінде бұл көрсеткіш 341-ді құрайды.
Қазіргі таңда қысқартылып жатқан су бөлетін шүмектерге қосылған тұрғындарға сумен жабдықтау қалалық орталығына қосылу ақысыз түрде жүргізілмек. Оған рұқсат алу барынша оңайлатылған, тек қана орнатуға құқығы бар екені туралы құжат пен коммуналдық қызметке қарыздың жоқтығын растайтын қағаз керек.
Айта кету керек, су бөлетін шүмектер көше құбырлары құрылысы мәселесі шешілмейінше,көше су құбырлары жоқ жерде және жақын арада бұзылатын ескі құрылыстар маңайында жұмыс істемейтін болады.
